藝人黃子華將會喺7月舉行棟篤笑，因為一個騷名《金盆?口》引嚟網上極大回響，大家都好擔心子華神要封咪，結果佢琴日出活動嘅時候畀咗一個好傷心嘅答案大家，就係呢個棟篤笑真係佢嘅最後一個棟篤笑，完咗之後就會收咪！當時子華就叫大家唔使擔心，佢話自己唔係死咗，佢會繼續有其他新動向。
情繫香港唔搞巡演
活動完咗之後，子華就喺社交網上拍片澄清番自己嘅講法，等知道呢個消息嘅人更加清楚明白。佢就話其實《金盆?口》唔係一個騷名，而係佢嘅一個階段：「原本我哋打算宣布呢個係黃子華最後嘅棟篤笑，但我嘅團隊覺得咁樣太決斷，呢啲名太過凌厲會畀人鬧死，所以就用番我好多年前諗嘅一個名，係好多人認為嗰種『金盆?口』。原則上呢個係我最後一個棟篤笑。」之後佢又澄清呢個騷係唔會有巡迴演出，因為成個主題係「101%」圍繞香港，如果去到其他地方都係講香港話題係太唔負責任。有唔少網民都話失望但都會繼續支持佢，亦有人留言話：「講得原則上，即係可能有例外喇！」咁又唔使擔心嘅，子華同大家講得相信佢已經諗好之後嘅路，大家就繼續撐佢喇！
基仔支持老友決定
而好友古巨基（基仔）亦喺社交網發文支持子華，基仔表示：「金盤（盆）?口。作為朋友，當然尊重你的決定；作為喜歡看你棟篤笑的觀眾，我真心不捨這個是最後一次。這些年來的棟篤笑?（裏）），謝謝你用各種金句化成大家生活中的止痛劑！『神救贖人世/ 靠笑穴』『將苦水飲到喜悅/ 子華說』…『愛，講是沒有用的』對，7月，入紅館撐！」
本文內容觀點、圖片文字、視頻來自網絡搜集，僅供大家觀看交流，不做其他任何的商業用途，其權威性、真實性、完整性、及時性不做保證承諾，如本文涉及侵犯您版權、著作權、肖像權內容，請立即聯繫客服，立即核實做刪除處理；您有好的時事、娛樂、時尚、生活資訊歡迎來搞刊發。
未經授權禁止轉載
更多香港電視娛樂資訊請搜索ID：HKTVENTChannel
官方WeChat：punlaipan
官方QQ：61653666
投稿E-Mail：jc_pook@yahoo.com.hk
